Jump to content

Change
Photo

Bouqalat

- - - - -

  • Please log in to reply
8 replies to this topic

#1
Omeymaa

Omeymaa

    Have faith...

  • Girls
  • 1,330 posts
  • Gender:Female

Current mood: Creative

Salaam wa rahma :D

Posted Image


لأننا نسكن الذاكرة، ونحلم بالمستقبل الموصول بالماضي دائما، لأننا نحن إلى عاداتنا..سنعود إلى عبق الزمن الأصيل، حيث صينية الشاي وطبق"قلب اللوز" يتوسطان أفراد العائلة..إلى هناك، ببهو ساحة الدار،..


Bon, 3labali belli normalement ndirou hadi f Ramdhan, bessah makanch 3andi elwaqt..rakoum ta3arfou ensa ou remdhan ;)

El mouhim..khetra kount qa3da kouddam el jorurnal ta3 el khabar :D ou cheft le publicite ta3 nedjma *130# bouqalat..alors bla 3djez cheddit el telephone ta3 khaltou..ou hadi hiya el bouqala elli kherjetli: Ila nta bhar ana houta fik, wa ila nta djnen ana werda fik w ila n'ta t'habni ana nmout 3lik :P



Alorrrrs..Je suis pas sur kifech 7a temchi hadi bessah yAllah..netwaklou 3la Rebbi..heya normalement nchedou foulara..ne3aqdouha ou nenwiw 3la a person..bessah since we can't do this.. nebdaw bel bouqalat ta3 el asmawat.. ntouma trpondiw l hada topic ida habbitou bouqala..ou qoulouli le premiere lettre ta3 el asem ta3koum wella el asem ta3 eshakhs elli nwitou 3lih..fhamtouu :D ???



Wella-ndir bouqala lkoul wahad....3la 7sabi mdr..I'm a nice person matkhafouch..ndir bouqala lkoul wahad 3la hsebb le cas ta3ha/ta3ou..fhamtou??



Wella- ntouma t'hawsou 3la el bouqlat..ou tekatbou..besmellah bdit w 3anbi sellit ou hadi el bouqala nwit'ha 3la _______., ou tekatbou el bouqala..



t'semma 3andkoum 3 ways..khayrou ou qolouli...wella neqadrou nebdaou b ta3 el asmawat..oumba3d rebbi ya3mel tawil..kima t'habbou :D



mattawlouch b les reponse berk !!!!



أنوي، واتل بوقالة الليلة



Done is better than perfect.


#2
Sosso

Sosso
  • Girls
  • 256 posts
  • Gender:Female
  • Location:Montreal

Current mood: Pensive
Nkolek Sah Khti... Ana nkhaf nel3ab bouqala...I dont want to fall into the trap of association...Kichrol Ouija Board wella. In my opinion, Machi mlih had el3ab. El3aqdet ou elkhatem... Makayenne ghir elslat. Sometimes traditions go against islam. This tradition is to close to that of divination....
  • Omeymaa likes this
Posted Image

#3
Omeymaa

Omeymaa

    Have faith...

  • Girls
  • 1,330 posts
  • Gender:Female

Current mood: Creative
smellah rahman errahim..Allahouma sakinhoum fi msakinihim ameen..comme tu veux..3la rahtek..it all depends on niya..ana niyati far from what you say (heya sah I know it has summet to do with deviation pcq bekri bekri they used to start callin erwa7en)..kind of like exchanging short poems if you like you dnt do the interpetation bit..again comme tu veux. I'm not here to force you.
I stated before we cant knot el foulara.Maranach neba3tou fel jnoon l 3end rabbi bech yjiboulna ''lekhbar'', ''wa ana kouna naq3oud minha maqa3ed lessam2 faman yastami3 el2an yajid lahou chihaban rasada) *sourat Al-Jinn*

#4
Fatony

Fatony

    A Legal Algerian

  • Super Moderators
  • 6,558 posts
  • Gender:Male
  • Location:UAE

Current mood: Cheerful Contributor
Whats my Bouqala.... :D ?
There are people with experience and people with opinions. Listen to one, smile at the other.
Posted Image

#5
Omeymaa

Omeymaa

    Have faith...

  • Girls
  • 1,330 posts
  • Gender:Female

Current mood: Creative

باسم الله بديت ..و علىالنبي صليت ...وعلى أصحاب الأسماء ألي تبدأ بالحاء هذى البوقالة نويت...

مدّيت لقاع البير و فرّشت زربية ، حرقست حرقوس ذهب من راسى لودنية ، فرحي يا يما سعدى زها ..و استشفاي فيالعدو إلى استشفي فيّ .

و حكمتكم : الحازم من كتم سرّه


sebhanaAllah!



#6
Omeymaa

Omeymaa

    Have faith...

  • Girls
  • 1,330 posts
  • Gender:Female

Current mood: Creative

هده بوقالات من قلب الجزائر الى جميع الأعضاء كل واحد يدخل يختار واحدة

ان شاء الله تكون خير عليه


باسم الله بديت ..و على النبي صليت ...وعلى أصحاب الأسماء ألي تبدأ بالباء هذى البوقالة نويت...


هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

وحكمتكم : بئس الطعام الحرام
...

باسم الله بديت ..و على النبي صليت ...وعلى أصحاب الأسماء ألي تبدأ بالتاء هذى البوقالة نويت...


لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى.



و حكمتكم :تجنب شؤم الهزل ، و نكد المزاح.

...

باسم الله بديت ..و على النبي صليت ...وعلى أصحاب الأسماء ألي تبدأ بالثاء هذى البوقالة نويت...

طلعت للغابة ، صبت الضّرو يابس ،قتلوا يا ضرو القمر يمشي ولا حابس ، قالي مفرش زربية وحذاه طاوس .

و حكمتكم : ثمرة العلوم العمل بالمعلوم.


باسم الله بديت ..و على النبي صليت ...وعلى أصحاب الأسماء ألي تبدأ بالجيم هذى البوقالة نويت...



رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.



و حكمتكم : جد بالكثير ، واقنع بالقليل





باسم الله بديت ..و على النبي صليت ...وعلى أصحاب الأسماء ألي تبدأ بالحاء هذى البوقالة نويت...



مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلى استشفي فيّ .



و حكمتكم : الحازم من كتم سرّه



باسم الله بديت ..و على النبي صليت ...وعلى أصحاب الأسماء ألي تبدأ بالخاء هذى البوقالة نويت..


يما يما ديريلي تويقة في وسط الحديقة باش نشوف زهرى كي تجيبو ذيك الوريقة.



و حكمتكم : الخَرَسْ خير من الكذب .


باسم الله بديت ..و على النبي صليت ...وعلى أصحاب الأسماء ألي تبدأ بالدّال هذى البوقالة نويت..


ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .



و حكمتكم : دُل على الجميل بجميل خلالك



باسم الله بديت ..و على النبي صليت ...وعلى أصحاب الأسماء ألي تبدأ بالراء هذى البوقالة نويت...



عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.



ربما أراد الأحمق نفعك فضرّك


باسم الله بديت ..و على النبي صليت ...وعلى أصحاب الأسماء ألي تبدأ بالزّاي هذى البوقالة نويت...

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.



وحكمتكم : زين النّطق الصّدق .

باسم الله بديت ..و على النبي صليت ...وعلى أصحاب الأسماء ألي تبدأ بالسين هذى البوقالة نويت...


خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .



و حكمتكم : سرور الدنيا كأحلام النائم .

باسم الله بديت ..و على النبي صليت ...وعلى أصحاب الأسماء ألي تبدأ بالشين هذى البوقالة نويت...



الناس تنده بالرجال و الوالي ، وانا ننده بربي العالي .



وحكمتكم : الشكاية سلاح الضعفاء .

باسم الله بديت ..و على النبي صليت ...وعلى أصحاب الأسماء ألي تبدأ بالصاد هذى البوقالة نويت...



حوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.



و حكمتكم : صداقة الجاهل تعب .


باسم الله بديت ..و على النبي صليت ...وعلى أصحاب الأسماء ألي تبدأ بالضاد هذى البوقالة نويت...



كلام على كلام و الكلام على سقيلة ، العين في العين و الدّعوة مقبولة.





و حكمتكم : ضالة الكريم حسن الثّناء.

باسم الله بديت ..و على النبي صليت ...وعلى أصحاب الأسماء ألي تبدأ بالطاء هذى البوقالة نويت...



يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .



و حكمتكم : طوبي لمن شغله عيبه عن عيوب الناس

باسم الله بديت ..و على النبي صليت ...وعلى أصحاب الأسماء ألي تبدأ بالظاء هذى البوقالة نويت...



محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .



ظلم الضعيف أفحش ظلم


باسم الله بديت ..و على النبي صليت ...وعلى أصحاب الأسماء ألي تبدأ بالعين هذى البوقالة نويت...


لزّيت لباب الرياض ، الورد عالباب النرجس باسني ، الزهر عنقنى ، و الياسمين ما بغَ يكلمني .



وحكمتكم : العين بريد القلب .



باسم الله بديت ..و على النبي صليت ...وعلى أصحاب الأسماء ألي تبدأ بالغين هذى البوقالة نويت...



قطّعت اللحم بيدى و عملت بذور ، و سمعت الكلام بوذنى و عرفت من قالو ، يا قايلين الكلام القبيح واش تربحوا ، أنا طاوس في القصر و انتم خفاش النهار ما يضوالو.





و حكمتكم : الغفلة غرور.



باسم الله بديت ..و على النبي صليت ...وعلى أصحاب الأسماء ألي تبدأ بالفاء هذى البوقالة نويت...


جزت على جنية ، قالت لي واش تحوسي يا ولية ، قلت لها مانى نحوّس لا على ما ولا على جاه ، نحوس على من ضيّعت يولي لي .

وحكمتكم : الفقه جيش لا يهزم
...

باسم الله بديت ..و على النبي صليت ...وعلى أصحاب الأسماء ألي تبدأ بالقاف هذى البوقالة نويت...



جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.



وحكمتكم : القريب من قَرُبَ نفعه.



باسم الله بديت ..و على النبي صليت ...وعلى أصحاب الأسماء ألي تبدأ بالكاف هذى البوقالة نويت...



امّنت بالله ، و المنام رؤية من عند الله ، حمامة بيضة جات ترفرف عليّ ، معاها حصان توقّف بين يديّ .



وحكمتكم: كرام الناس أسرعهم مودّة.


باسم الله بديت ..و على النبي صليت ...وعلى أصحاب الأسماء ألي تبدأ باللام هذى البوقالة نويت...


نبعث لكم دموعى في مشوار زرق ، و نبعث كلامي في برية تحرق ، ما ننساكم يا ناسى بحق مكة و بلاطها لزرق.


وحكمتكم : لين الكلام قيد القلوب.



باسم الله بديت ..و على النبي صليت ...وعلى أصحاب الأسماء ألي تبدأ بالميم هذى البوقالة نويت...


سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعي و يحن ، وتتعمّر النافورة ، ونعودوا لزمانا كيما كنا .



و حكمتكم : المشقة كلها في تأديب الجاهل .


...

باسم الله بديت ..و على النبي صليت ...وعلى أصحاب الأسماء ألي تبدأ بالنون هذى البوقالة نويت...


خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ، قالى : روحى لدارك تصيبيها قدّامك .



و حكمتكم : النفس مولعة بحب العاجل .



باسم الله بديت ..و على النبي صليت ...وعلى أصحاب الأسماء ألي تبدأ بالهاء هذى البوقالة نويت...



خرجت بدر البدور تتزعبل في المور ، تلقت هذوك الشعور ،على الخد إلى ينوّر مثل التفاحة.



وحكمتكم : هيهات من نصيحة عدوّ.


باسم الله بديت ..و على النبي صليت ...وعلى أصحاب الأسماء ألي تبدأ بالواو هذى البوقالة نويت...



دارنا في الجبل ، مقابلة مكة ، مفتاحها من ذهب ، يشعل ما يطفي .



وحكمتكم : الوحدة خير من جليس السّوء

يلا لا تحرمونا من مشاركاتكم و نتمنى تعجبك البوقالات





#7
Omeymaa

Omeymaa

    Have faith...

  • Girls
  • 1,330 posts
  • Gender:Female

Current mood: Creative



Yedi Fi Yed Khouya ou Yed Khoya Bel Henna. ElYoum Sa3dou Howa ou Ghadwa Ana Net’hana.

Sebah el Zine Sabahou, Sebah el Yasmine ewTenfahou, Sebah el Malhoun We el hanou, Sebah el Tir we Seyahou, Hada SebahZine Sebaho.

Al Nass Kessbet Heteb WelCheteb. Ana Kesebt Dak el Tir Eli Menkaro Fedda ew Richou Dehab.

Hab Lemlouk Djani Hdiya FiWraqou Mahboubi Kteb Li Briya el Mout Wala Fraqou

RaniRani Fi Wast Dhenani, El Ser Wel Beha Rito B' 3eyani. Rani Rani Halef BelRebani, Had El Mera Ma Nakhod Ghir el Berani.

Chouf Zin Dik el Ghezala.Chafha el Wazir Gal Nediha, Chafha el Soltan Gal Naghniha. Chafha Dak el ChebabGale Nefna We nEMOUT a3LIHA.

Yema Ya Yema Dirili TewikaFi Dik el Hadika Bach Enchouf Zahri K' Djibou Dik el Werika.

Galbi Wase3 ew Ged Men Kelma Yesma3, Metelto L'Chare3 Fihe el Re3yan Srah. Eli Ma Chera Ma Ba3 Ma A3mal Herfa. Hebibak Howa3edok Fi Had el Zeman Makan Makane.

Ana Chaba ew Mahri Ghali. Weli Yebghini Yehsebel Nedjom ew Yeshar el leyali, ew Yebnili kesore el 3ali wela Begha el Ghali,Indjiblo Benat we Derari.

Telebt Men 3and Rabi , Nakhela ew 3orfha3anber. We 100 Tir Hemama, f' kol 3orf ey ker, Temenit 3and Khalki el Jenah, YaIlahi ew Tolet el 3omre.


حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .


نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا

يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .


04 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .


05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .


06 الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .


07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا


08 لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .


09 فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .


10 علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .


11 أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .


12 السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .


13 يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم

سعدي ذاك

14 في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف .


15 أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .


16 جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .


17 شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة


18 ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .


19 دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .

20

غرست ياسمينه في وسط الدار عروقها سكنجبير و أطرافها نوار يما يا يما محلى عشق الجار العين تخز في العين و القلب شاعلة فيه النار .


21 أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح


22 يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك .


23 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .

يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك .

25

يا لساكنة في الخيمة و الريح جاني قبلي ردي أوراقك ديمة لا يولي الريح غربي .


26 في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة .


27 يا لالا يا لالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي


28 حكمت الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي و يخالف .


29

علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .

30 عيطت على سيد الملاح صبت الناس رقود هزيت الدالية طاح منها عنقود النجوم قالت النجوم نحكي و قال القمر نذوب اصبر يا قلبي ياك كل شي مكتوب .

يا للي ملكتنني بزينك يالزايدة في عذابي في الليل نومك و في النهار نترجاك قوليلي غير كليمة يرحم اللي رباك .


و ين الطريق اللي فيها محبوبي جيبولي التراب من ثمة نشريه نعمله جعيبة في مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه .


33 ذاك الحمام اللي محبوس في السجنة يعيا و يفرج ربي و نرجعوا خير من اللي كنا


34 يا قاعدة في الجنينة و القرقاف حذاك في النهار نتفكرك و في الليل نترجاك قلبي وصل لعندك و عينيا حشمو من بهاك ذاك البصر المفلق يما واش فيه راه القلب تعلق لمن نهديه لا طيور تزقزق لا مخبيه .


35 شجرة على طرف البير و أعراقها دلايا يما شفت الطير وجهوا كي المرايا عليه لعقاد تسير و عليه نطوي الثنايا

للأمانة منقول


  • Apocalypse likes this

#8
Apocalypse

Apocalypse

    revolution

  • Darja Gurus
  • 1,698 posts
  • Gender:Female
  • Location:homeland

Current mood: Procrastinating
Allah yabrek maqrithomsh but I appreciate your effort, semhili, not my cup of tea; lol


#9
Lilia

Lilia

    Lilia

  • Super Moderators
  • 1,507 posts
  • Gender:Female
  • Location:In the clouds

Current mood: Cloud 9 Contributor
salam

Allah yabrek maqrithomsh but I appreciate your effort, semhili, not my cup of tea; lol


lol wala ana..
rani ghir nastana fi hadak li jay foug el 3awd ytabtab 3la bab darna (or something like that :D ) mal wahed el 3orss rah fi sniiiin mali 7dartleh w ta7atli had el bo9ala basah maban 3lih 7ata khbar :D
Posted Image